عِــنْـــدَك وَلـــــــد رَبّـيــــــهْ
عـيـنَـــك عـلـــــى عـيــنــــو
بـيــن الـجِـفِــن خَــبّـيــــــــهْ
بْــيــوم الــتـَّعـَـــب عــيــنـــو
فِ الـلـيــل إحْــلــم فــيـــــــه ْ
وبـوســـو عـَلـى جْـبـيـــنـــــو!
 ومِــثـــل الأَخـــو– خـاويــــــهْ
ولَـو غِــلِــط – لا تـْهـيـنــــــو!!
عَـــن هَــفْــوِتــو حــاكـــيــهْ
مــا بــيــنَـــك وبــيــنـــــو!
وجَـمْـر الـغَـضَـب خَـبّـيــــــــهْ
وإِفْـهَـــــم قَــوانــيــنــــــو!
بْــكَــنْــزِ الــعِـلِـم إغْــنــيـــهْ
بْــتِــغْــنى مَــعــو سْــنـيــنـو!
ولـو كِــبِـــر إفْـــــرَح فــيـــهْ
والــبِــنـْــت مِـــن طــيــنـــوْ
وكــاسِ الـسَّــعِـــد إسْـقـيـــــهْ
وخَــلــي الـفــرَِح ديــنـــــــو!
ولـو غــاب – فَــكّــر فـيـــــــهْ
ولا تِـسْـألــــو ويـنــــــــــو!
وخَـلــي الـعَـقِـل يِـهْـــديـــــهْ
ويِـجْـــري بْـشَـرايــيــنــــــو
بْــعــيــنِ الـرِّضــا راضـيــــهْ
وإرضـــى بْــمَــوازيــنــــــو!
بِـالـجَـفــــــا لا تِــكْــويـــهْ
بـْـتِــذْبــــــل طَــرابـيـنـــو!
بِـالـشَّــــــر لا تِـبْـلــيـــــهْ
بـيَِـبْـلــــــى بْــزَنــازيــنــو
وعــالـغُـربـه لا تِـرْمِـيـــــــهْ
بْـيِِـِرْمــيــكْ فــي حـيـنـــــو!