عَ الروزنا عَ الروزنا                 وانا بغنـّيلا
طابت سهرات الهنا                   ومحلا تعاليلا

-----------

يا أمّوره من يافا                      خلّي أمرك صريح
حِكيو عنّك سُلافه                     وقالوا فيكِ المديح
حِسّك كلّو رهافه                       وكلامك شو مريح
يا محلا هالظرافه                      وهالقامِه الطّويله

-----------

يا حلوه نصراويِّه                     عطرك شو عمّا يفوح
كلّك رِقّه وحنيِّـه                      تشفي القلب المجروح
وقعده معك سهريِّه                    بتـردّ عليي الــروح
يا الله معنا سَوِيـِّه                    تـا نِحيي هـاللّيـلـه

-----------

يا أميـرة البطّوف                      تـعــالي لَعِنّـــا
محبوبك بدّو يِشوف                     نغـنوشه بتـتغنّــا
نسمع عتابا والأوف                     بـِسـاحة موطنّــا
ونطرب عا دقِّ الدفوف                  بالرّقصه الجـميلـه

-----------

يا اللّي جايي من حيفا                    وماشيه كرج الحجل
كـيفي مجاور لَكيفـا                    عـا ردّات الـزجـل
لمحت خْيالا وطيفــا                    وقـلت فيها غــزل
يا ريتني كنت ضيفـا                     وأوقف عَ مْقـابـيلا

-----------

الدّلّوعه بنت عكّــا                     بنظراتــا جرحتـني
لـربّي رح أتـشكّى                      من اللّي سحــرتـني
لوْ بوها صار يتبكّى                      مــا راح تْـفـَلّتـني
بـَدّا تميل وتتركـّا                      عــلى إبــن جـيـلا

يافة النّاصره