يا موطني
إن تكشفتْ برمش عيني بغطيك
يا موطني غيرك أنا مالي
يا مهد أجدادي
قديش إنت ع القلب غالي
بروحي بدماتي أنا بفديك
بكل ما أملك مع اولادي
إنبح صوتي من كثر ما بناديك
ما اسمعتْ غير الصدى ينادي
قديش انت ع القلب غالي
ومهما كثرت التجار وحدي أنا شاريك
تظلْ طول العمر وحدك حلالي
يا جرمقي يا زينة جبال الجليل
يا زينة بلادي
خلقت عالي وراح بتظل عالي
من نبعتك يشرب جيلْ يتبع جيل
ويشرب تا يرتوي السهل والوادي
وشمات نسماتك دوا بيشفي العليل
فرع أخضرْ من سنديانه ربتْ فيكْ
بتسوى كنوز الدني ومالي
يا جرمقي
عم بسألك كيف الحال !
يا ريت تسألني عن حوالي
يا ريت تسألني عن اللي كان واللي ما كان
خسرت سحماتا بفعل الاحتلال
والبلد عم تسأل عن اعمامي وعن خوالي
تسأل ع كل القرى لمهجرة
حلمي الوحيد شوفها محررة
يا حسرتي غير الأرض مالي
يا جرمقي يا زينة جبالي
يظل راسك للسما مرفوع
وتظل مثل النجم بتلالي ......

( سحماتا )