- 1 –

يا قلم اُكتب وجود
ويا فكر اقطع حدود
واجمع باقة من ورود
لأم عاشت من اجلنا

- 2 -

دُمتوا بالقلب والأفكار
شقيتوا ربيتوا صغار
وبأفكاركو ليل ونهار
وهمنا بتحملوا في كبرنا

- 3 -

من صغرنا بحبك شعرنا
في حنانك كتبنا شعرنا
لو كبرنا وشاب شَعرنا
صورتك باقي بقلوبنا

- 4 -

من الأم اطلب رضاها
من رضى الخالق رضاها
وصيّة محبتها الله مضاها
ومع أنبيا أرسلها لنا

- 5 -

ما بطمع بمال وأراضي
او اكون بمحكمة قاضي
اذا أمي عليّ راضي
بكون انا اكثر واحد جنا

- 6 -

اكتبوا يا كتّاب ويا شعار
مقالات ونوعوا الأشعار
الأم محبة ورمز وشعار
وحوى أمنا ومنها أم اولادنا

(البقيعة)