زجل بو الياس كـلّو من أساسو
                    يهزّ الأرض لو يخطي بمداسـو
بقوافي الشّعر عمرو ما تجرّد
                    وبطرب نغـم لحبابو ونـاسـو
ومن الزّغلول بالوصلات قلّد
                    أخذ إسمو تَ يعطي من حْساسو
إبن لبنـان عَ نْغامو تـنهّـد
                    عرف لَوَزْنو وشو قدّر مقاسـو
دماغي بالشِّعر الاِفكار جدّد
                     وما رِضي العقل رايي احتباسو
أعطى بالحكم دربو وعبّـد
                      وما وقع أبَـدْ في إلـتبـاسـو
وجان القافيه شخصي صَفّـد
                      حبستو اِبّيت مع جمعة جْـناسو
وصاروا عبيدي في أرِض معبد
                       يجيبوا السّطر وآخذ إقتباسـو
والـمارد طِلِع والـقـول ردّد
                       شبّيك لُبّيك طنطنلي جْراسـو
تمَنّى طلوب خيي يـا محـمّـد
                        وغَـنّي بهالزّجل تَ الكل يسمع
        والمو عاجبو يلـقلـق بـراسو

          ( يافة-النـّاصرة)