يا سيوف الزجل عا منبري حـِدِّي
تا شعّــار المنبــر يـــعتلو حــَدِّي
وابيات العتابا بعد بو الياس حـِدِّي
والبسي الوانك السـّودا عَ لــثياب
****************
ما حـَدْ يقدر يلمس بو الياس بـِطَرْفا
لأَنـّو عـِندو الطـّيبـِه بـِطرْفـَه
وْلـَوِنّو إجا عا زمانو طرفه
إبنُ العـَبد لشهدلو بالعتاب
****************
راح الســّوق بإيدوســَلْ وقع والسّل-لم
لأَنــّو شـــاف صديقـــو من بعيـــد ســَلـّم
ولو قلنا وِقــِع وقـــعــه من على سـِــلَّــم
لصارو يقـــولو حكى عــنــّو وِكــــَذَب
****************
يَ مارق عندي حـد البيت مـَرّه
تمرق عليي لو بتكون مـَرّا
أبو الياس إن سقاك البن مـُرّا
تلاقي قـَهــِوْتو من أطيب شراب
****************
قالوا إلأُم بـَنـّا والأَب جـَنـّا
وتحت أقدام الأمـّهـات جـَنــَّه
ولا تقولو عن محمد وجـُنـّا
من عقلو فايـِض بيت العتاب
كلمات الزجال: محمد علي الصالح (أبو إلياس)
الثلاثاء 12/2/2008