شــو نَــفْــعِــةِ الإِنـســــــان فـي هـذا الـوُجــود
إن مـــا انْـتـَفـَض قـلـبـو لَ نَـهْــــدات الــورود
أو مـا انْـشَـغَــل فِـكْـرو بِ  نِـجْـمـاتِ الـسَّــــمـا
أو مـا انْـشـغــل عَـقـلـو بـْمَـجـاهـيـل الـوجـود؟

وشــو نـَـفْــعِـةِ الإنــســان فــي هــذا الــزَّمــان
إن مـا سـَـقا خَـيـّو الـشَّـقــي نـُـقْــطِــة حَـنـان؟
أو مــا وَهَــب جــارو الــوَفــي وإبــنِ الــبَــلــد
كِـلـمِــة صَــفــا عـَـطـف ودَفــا وأمْــنِ وأمـان؟

وشــو نَـفْـعِـةِ الإنْـسـان لـَو ظَـلـو وَحــيـــــــد
عـايـِـش فِ كَـهْـف "الأنا" وجُـدرانـو حـَديـد؟
وشــو نَـفْـعِــتـو لو عـاش فـي قَـصـر القـصور
لا فَـتَـح بـابـو لا ولا عَــقـْـلــو الــعَــنــيــــد؟

وشــو نَــفْــعِــة الإِنـســان فــي هــذا الـوُجــود
لَـو  بَـنَــى فــي قـَـلــبـو حــواجـِـز أو سُـــدود؟
وشــو نَـفْـعِــتـو لــو عــاش عَ غــيـرو بـَخـيـل
أو قــضـى عُــمــرو الـقـَصـيـر يْـعِـدّ الـنُّـقــود؟

وشــو نَـفْـعِـتــو لََـو أبْــحـَـر وشَــقّ الـبِـحــــار
يِـجْــمَــع عُــقــود الـلـولــو وبْـيـوت الـمَـحـار؟
وشــو نَـفْـعِــتـو لـو مَـلـك أو كَـدَّس كُــنــــــوز
فــي جـَـرِّة الــفُــخّـــار أو تـَـحْـــتِ الــجِـــدار؟

وشــو نَــفـْعـِـتـو لـَو عـاش فـي أَهْـلـو غَـريـب
ومـا هـَـز شِــرْيــانــو قـَـريــبـِـه أو قـَـريـب؟
وشــو طَـعْــمِـة الأيـّـام – لو عُـمْـرو انـْقـَضــى
وما كان عِــنـْدو قَـَـلـب مَـحْـبـــوب وحَـبـيــب؟

وشــو نــفـعــتــو لــو كــان جَــبـّـار وعَـنـيف
ومـا كــان سِـــرّو نـَقـي ولــسـانــو عَــفــيـف؟
وشــــو نَـفـْعــتـــو لــو كــان غـَـدار ولَــئــيـم
ومـا كان عِـنـدو شَـهـامِـه  وِنَـهْـجـو شـريـف؟

وشــو نـَـفْــعِــتــو لــو كــان نـَـمّــام وحَــسـود
وطـَـمّــاع أو مُــحــتــال خَــداع وحَــقــــــــود؟
أو كــان عِــنـْـدو مَــبــدأ الــوَهْــم الــعَــقــيــم:
"بـالـمــال وكـْـنــوز الـذَّهَــب سِــر الخُـلـود!"

وشــو نَــفْــعِــة الأمْــوال وقْــصــور الـرُّخـــام
لَــمّــا الـعُــمِــر يِــنـْـمَــحَــى ويْــحِـل الـظَـلام!؟
وشـــو بَــدّو يِــحـكــي لــمّــا روحــو تْـوَدّعــو
مِـن غـيـر وَعِـد مَـكـتـوب وعْـيـونـو نِـيــــــام؟

وشـو بَــدو يِـحْــكـي عِــنْــد خـالـقْــنـا الحَكـيـم
يـوم الحِــساب – ان كـــــان ظـالِــم أو ظَـلـيـم؟
بـيـكـون بــيـنِ الـنــاس : "إِبْـلـيــسِ اللعـيـن"
وبِـتـْكــون آخـِـرتــو عــلــى بـْـواب الـحَـجـيـم!